Ao publicar en Elos, o/o autor/a-os/os autores/as cede/n todos os dereitos de explotación do seu artigo (incluíndo distribución, comunicación pública, reprodución e transformación) á Universidade de Santiago de Compostela, que, coas condicións e limitacións dispostas pola lexislación en materia de propiedade intelectual, é a titular do copyright e, por tanto, de todos os dereitos patrimoniais expresados, retendo o/o autor/a-os/os autores/as todos os dereitos morais que por lei lle corresponde/n (art. 14 TRLPI).

Sen prexuízo do anterior, e agás indicación contraria, todos os contidos distribúense en acceso aberto baixo unha licenza internacional Creative Commons BY-NC-ND 4.0. Calquera forma de reprodución, distribución, comunicación pública ou transformación desta obra non incluída na licenza Creative Commons BY-NC-ND 4.0 só pode ser realizada coa autorización expresa do titular do copyright, non sendo excepción prevista pola lei. Pode acceder Vde. ao texto completo da licenza nesta ligazón:  https://creativecommons.org/licenses/by-nc-nd/4.0/deed.gl

Licenciada en Filoloxía Galega e Diplomada en Estudos Avanzados pola Universidade de Santiago de Compostela, recibiu a máxima cualificación pola súa tese de doutoramento na que se achegou a cuestións de xénero.

Dende o curso académico 2009-2010 é profesora da Escola Universitaria CEU de Maxisterio de Vigo, centro adscrito á Universidade de Vigo, e dende o 2013-2014 profesora interina de substitución na Facultade de Ciencias da Educación da Universidade de Santiago de Compostela. Con anterioridade foi bolseira de investigación no Centro Ramón Piñeiro para a Investigación en Humanidades (período 2003-2006), onde continúa colaborando en varios proxectos, e bolseira predoutoral da Universidade de Santiago de Compostela (período 2006-2009).

Secretaria da Rede Temática de Investigación “Las Literaturas Infantiles y Juveniles del Marco Ibérico e Iberoamericano” (LIJMI) e membro do grupo de investigación LITER21 da Universidade de Santiago de Compostela, desempeñou o cargo de tesoureira da Asociación Galego-Portuguesa de Investigación en Literatura Infantil e X/Juvenil. ELOS, sección da Asociación Nacional de Investigación en Literatura Infantil y Juvenil (ANILIJ), dende a súa fundación até o ano 2015. É autora de monografias, artigos e reseñas sobre Literatura e Literatura Infantil e Xuvenil.