2023-11-24
Call for papers para a Sección Monográfica (2024): “A Idade Media para idades temperás: o imaxinario medieval na produción literaria dirixida a público infantil e xuvenil”.
2023-11-20
Elos. Revista de Literatura Infantil e Xuvenil vén de ser valorada novamente por Latindex, de xeito que pasa a ter recoñecidas 36 das 38 características mediante as que se avalía a calidade das publicacións do catálogo (até o momento cumpría 29 das 38 características). Queremos agradecer a todas as persoas que colaboran e traballan porque a revista siga medrando.
Ademais, aproveitamos o contacto para avisar das novidades nas seccións da revista. Elimínase a sección “Notas” e a sección “Artigos” convértese en dúas sección distintas: “Miscelánea” e “Sección Monográfica”. Así:
- Miscelánea acolle traballos de investigación orixinais sobre Literatura Infantil e Xuvenil, focalizados cara á Historiografía, Teoría literaria, análise de obras literarias, Tradución, Educación literaria e calquera aspecto relacionado.
- Sección Monográfica, coa mesma estrutura e aspectos formais que rexen para os artigos de “Miscelánea”, pero que responden a unha temática concreta que se anunciará xunto á respectiva chamada de traballos.
En todo caso, mantéñense as indicacións dispoñíbeis nas normas para autores/as da revista e ofrécese un modelo que se deberá utilizar para a presentación de manuscritos.
A información sobre “Sección Monográfica” do vindeiro número, 2024, será publicada na sección de anuncios nos próximos días.
Un saúdo,
Secretaría de Elos. Revista de Literatura Infantil e Xuvenil
2023-09-14
O número de Elos deste ano, 2023, xa está pechado. Os artigos que o completan serán publicados nos próximos meses. Todos os traballos que entraron ao longo de setembro, así como os que entren a partir de agora, serán considerados para o número 11 (2024). Lembramos a todas as persoas interesadas en presentar un traballo que, mediante o proceso de publicación continua, os traballos do número 11 poderían empezar a publicarse en xaneiro-febreiro, en función do tempo que dure o fluxo editorial.
2021-08-16
Elos. Revista de Literatura Infantil e Xuvenil, editada polo grupo de investigación LITER21 (GI-1839. Literatura galega. Literatura Infantil e Xuvenil. Investigacións literarias, artísticas, interculturais e educativas), aumenta a súa difusión e prestixio e sitúase no cuartil Q2 do ránking REDIB 2020.
2021-06-01
Libros de distintos tamaños, formatos, texturas, materiais, estruturas e proxectos gráficos son amplamente publicados no escenario contemporáneo. Estarían eles, polo tanto, dirixidos exclusivamente ao público infantil, como algúns suxiren? Sería a recepción do libro-obxecto -artefacto no cal a materialidade se revela como elemento esencial no acto da lectura- do interese só da infancia?
Aínda que agrade moito e, nalgúns casos, sexa destinado de maneira preferente ao público infantil -recibindo, inclusive, este "rótulo" nas librarías- o libro-obxecto contemporáneo supera as franxas de idade máis baixas. A concatenación de distintas linguaxes na súa composición, así como a relevancia asumida polas súas características materiais na (re)construción de sentidos no acto da lectura, transfórmano nun obxecto con distintas capas de sentido, as cales serán (des)vendadas de acordo co repertorio e competencia lectora, suscitando, así, distintas lecturas a distintos lectores. Súmase a iso o carácter lúdico asumido polo libro-obxecto, elemento capaz de atraer e encantar non só á infancia, senón tamén a mozos e adultos, aproximándose ao universo do libro de artista, por exemplo.
Este tipo de produción constitúe o foco de interese deste número temático da Revista ELOS, co cal se anhela ampliar as reflexións críticas en torno a libros cuxos elementos materiais contribúen para a expansión dos sentidos suscitados polo texto literario, resultando en artefactos marcados pola innovación estética que poden ser do interese dos máis variados públicos.
Prazo para o envío dos textos: 15 de setembro de 2021.
*É necesario especificar de forma clara e evidente no envío en OJS (comentarios para o editor), que se trata dun artigo para o Call for Papers do número temático da revista.
2019-03-18
Aberto o prazo para postular artigos a Elos