Los silencios en el "Ciclo das sombras", de Agustín Fernández Paz

Resumo

O presente artigo estuda os silencios que persisten ao redor dos episodios transcorridos durante a Guerra Civil española a partir do denominado “Ciclo das sombras” do escritor galego Agustín Fernández Paz (1947-2016) no seo da Literatura Infantil e Xuvenil. O corpus co que se traballou constitúe unha triloxía axeitada para analizar esta cuestión, pois as novelas preséntanse como verdadeiras reivindicacións da recuperación da memoria das vítimas do conflito de 1936. O seu estudo permitirá observar as consecuencias que produciron a guerra e a forte represión sufrida durante os anos do franquismo en décadas posteriores. Precisamente, o autor co fin de evitar o descoñecemento do que é parte da historia de todo un país crea estas tres obras para formar as novas xeracións e homenaxear a todos aqueles que foron silenciados.