Ao publicar en BGL, o/o autor/a-os/os autores/as cede/n todos os dereitos de explotación do seu artigo (incluíndo distribución, comunicación pública, reprodución e transformación) á Universidade de Santiago de Compostela, que, coas condicións e limitacións dispostas pola lexislación en materia de propiedade intelectual, é a titular do copyright e, por tanto, de todos os dereitos patrimoniais expresados, retendo o/o autor/a-os/os autores/as todos os dereitos morais que por lei lle corresponde/n (art. 14 TRLPI).

Sen prexuízo do anterior, e agás indicación contraria, todos os contidos distribúense en acceso aberto baixo unha licenza internacional Creative Commons BY-NC-ND 4.0. Calquera forma de reprodución, distribución, comunicación pública ou transformación desta obra non incluída na licenza Creative Commons BY-NC-ND 4.0 só pode ser realizada coa autorización expresa do titular do copyright, non sendo excepción prevista pola lei. Pode acceder Vde. ao texto completo da licenza nesta ligazón:  https://creativecommons.org/licenses/by-nc-nd/4.0/deed.gl

Ánxela Gracián (pseudónimo de Ánxela Rodríguez Rodríguez, Gracián-Castroverde-Lugo, 1968) comezou a escribir poemas e relatos durante a súa época universitaria publicando algúns deles nas revistas Ólisbos e Dorna, pero sería na Literatura Infantil e Xuvenil na que se estreou como autora na década dos 90, con títulos como Cos petos cheos de cinza (Everest Galicia, 1998), As bolboretas douradas (Sotelo Branco Edicións, 1999), Eu tamén fun peliqueiro de Laza (Everest Galicia, 2001), Chis Chisgarabís (Tambre/Edelvives, 2004), A toupiña cegarata (Tambre/Edelvives, 2005), Nun lugar chamado Labirinto (Tambre/Edelvives, 2006), Camiño solitario (Galaxia, 2006), Pinga de choiva (Xerais, 2009), Carrapeto (Ediciones Macmilan, 2009); Carapuchiña “en rose” (Everest Galicia, 2009); As palabras do silencio (Edicións Xerais de Galicia, 2012), Xoaniña, rei-rei (Sotelo Blanco Edicións, 2014) e a serie de contos infantís dedicados ao elefante Gombó: Gombó e a viaxe á lagoa (Fervenza Edicións, 2017) e Gombó e o medo á escuridade (Fervenza Edicións, 2017). Como poeta, publicou Paisaxes de pan (Bourel Edicións, 2014), libro autobiográfico dedicado ás mulleres da súa infancia. Traballa no Servizo de Tradución da Xunta de Galicia dende o ano 1996 e cultiva tamén a tradución literaria, oficio que, xunto coa escrita de ficción, lle apaixona, dando voz en galego a Margarite Yourcenar, Hugo Pratt, Sandra Comino, Blanca Álvarez, María Teresa Andruetto, João Manuel Ribeiro, entre outros.