Boletín Galego de Literatura

A iconografía da Revolución dos Cravos:

Fernando Fraga de Azevedo — 2024-12-26

Esta investigación explora a representación visual da iconografía da Revolución dos Caraveis en portadas de obras de literatura para a infancia e a xuventude publicadas en datas conmemorativas, analizando a súa evolución e impacto na percepción e valores asociados á Revolución. A investigación responde a unha fenda identificada na revisión da literatura: a escasa existencia de estudos dedicados exclusivamente á análise e interpretación visual de portadas de literatura para a infancia e a xuventude. O obxectivo xeral deste estudo é coñecer e comprender os elementos iconográficos que remiten á Revolución dos Caraveis nas portadas de obras de literatura para a infancia e a xuventude. A metodoloxía seguida é cualitativa, de natureza observacional, centrada na análise visual e interpretativa das portadas das obras referidas. Os resultados do estudo evidencian que á medida que aumenta a distancia respecto ao acontecemento histórico, os símbolos da Revolución tenden a ser presentados de maneira máis sinxela, permanecendo, con todo, certos valores considerados fundacionais: a liberdade, a alegría, a democracia. Créese que a recepción destes textos polas xeracións máis novas axudaralles a aprender sobre o valor da liberdade, tanto en sentido literal como metafórico, e sobre como a organización visual pode transmitir mensaxes poderosas.

Alí onde habitamos: a subversión do non-lugar nos relatos de Lucia Berlin e Ismael Ramos

María Belén Senín Santiago — 2024-12-26

O concepto de non-lugar acuñado por Marc Augé hai trinta anos converteuse nun dos máis destacados fundamentos teóricos dos estudos literarios actuais. Esta tendencia débese, en grande medida, a que o espazo constitúe un dos piares intrinsecamente elementais da arquitectura narrativa. Asemade, a formulación teórica arredor da sobremodernidade que subxace a este termo resulta de gran interese para analizar os síntomas da precariedade económica, social e emocional do mundo contemporáneo e as súas manifestacións na literatura, e por tanto para a comprensión do texto. No presente traballo abordaremos esta cuestión dende a metodoloxía comparatista a través da análise dunha selección de relatos da escritora estadounidense Lucia Berlin e o galego Ismael Ramos, dous autores separados no tempo, no espazo e no estilo, mais que consideramos que comparten un tratamento do non-lugar semellante, baseado na subversión do mesmo mediante a dunha construción da voz narrativa atravesada pola subxectividade, a conciencia de clase e o afecto.

As traducións en castelán d’As crónicas do Sochantre

Xosé Manuel Dasilva Fernández — 2024-12-26

O obxectivo fundamental deste artigo é examinar as versións en castelán d’As crónicas do Sochantre, a segunda novela en galego de Álvaro Cunqueiro, a cal nunca autotraduciu a diferenza doutros títulos. Tras a reconstrución do proceso de creación da obra, analízase a tradución realizada por Francisco Fernández del Riego, a finais dos anos cincuenta, por encargo de Cunqueiro. Seguidamente, considérase a versión impulsada nos últimos tempos por Ediciones 98, na que participou o fillo do escritor. De modo complementario, abórdanse os conceptos de suposta autotradución, tradución alógrafa con colaboración do autor, tradución autorizada e retradución en relación concretamente con estas dúas traducións d’As crónicas do Sochantre.

Impiedade rusa a través de dous contos de Emilia Pardo Bazán

Blanca Paula Rodríguez Garabatos — 2024-12-26

A condesa de Bardo Bazán (1851-1921) é unha das figuras máis importantes da cultura decimonónica europea. A súa curiosidade insaciable levouna a explorar múltiples áreas do saber, converténdose en especialista de todo aquilo sobre o que estudaba. A súa erudición inmensa e admirable, fixo dela un referente que, con todo, foi obxecto de burlas e chanzas por parte dalgúns dos seus coetáneos que a alcumaron: "a inevitable doña Emilia". Exploradora do mundo, en libros e viaxes, Pardo Bazán tivo gran coñecemento da cultura rusa e soubo plasmala en toda a súa dimensión, tanto nas súas crónicas viaxeiras como en varios dos seus contos. Dous deles, escritos en 1907 e 1910, mostran as súas inquietudes respecto a a situación política en Rusia e a influencia que a novelística de Tolstoi e Dovstoyesky exerceu no seu apoio cara aos máis oprimidos da sociedade zarista.

Camões, Luís de (2021). Os Lusíadas. Pontevedra – Braga: Faktoría K – Universidade do Minho. 380 pp. Introdução, atualização do texto e aparato de Rita Marnoto. Direcção artística de Tiago Manuel.

Xosé Manuel Dasilva Fernández — 2024-12-26

Cavafis, Cernuda, Valente e Gamoneda: poetas concatenados por e a Claudio Rodríguez Fer

Laura Paz Fentanes — 2024-12-26

Ferreira Boo, C., García Pedreira, R., Neira Rodríguez, M. (Coord.) (2022). Outro lustro de libros en galego para a nenez e a mocidade (2015-2020). Universidade de Santiago de Compostela, Servizo de Publicacións e Intercambio Científico. Colección Materiais Didácticos. N. 28. 328 pp.

Sandra Barreiro González — 2024-12-26