Boletín Galego de Literatura

O traxe rexional na obra narrativa de Emilia Pardo Bazán

Blanca Paula Rodríguez Garabatos — 2020-06-30

A cultura rural, particularmente a indumentaria, é un elemento narrativo imprescindíbel na obra literaria de Emilia Pardo Bazán. O traxe rexional galego é obxecto de interese antropolóxico por parte da autora (fundadora da Sociedad del Folk-Lore Gallego en 1883 e promotora do cuestionario do folclore galego de 1885), inclinación que a leva a realizar exhaustivas descricións deste tipo de indumentaria tradicional en obras como La gallega, en contos como Eterna Lei e mesmo na súa novelística máis urbana, representada por La Quimera. O seu gusto polo traxe rexional responde a unha dobre finalidade, ofrecer unha visión antropolóxica da vestimenta popular en Galicia e caracterizar tanto os grupos sociais do rural como algúns personaxes inesquecíbeis como Minia en Un destripador de antaño ou Maripepiña en Bucólica.

A incidencia de reescrituras fílmicas na relación de nomeados e premiados dos principais galardóns internacionais a longametraxes animadas

Rocío G-Pedreira — 2020-06-30

O presente artigo pretende dar conta da presenza de reescrituras fílmicas de obras literarias realizadas mediante técnicas de animación cuxa calidade as fixo merecedoras de ser nomeadas e/ou premiadas con algúns dos galardóns cinematográficos a nivel mundial máis importantes que contan cunha categoría específica para estas producións, en concreto os Óscar, Annie, Globos de Ouro e BAFTA. Ademais, tamén se analizará brevemente a influencia que ten a creación do hipertexto fílmico para a difusión do correspondente hipotexto.

A Revolução dos Cravos e a Literatura para a Infância e a Juventude

José António Gomes — 2020-06-30

O 25 de Abril de 1974 é uma data marcante da história do Portugal do século XX, tendo constituído ponto de partida para numerosas obras musicais, literárias, teatrais, plásticas, cinematográficas e televisivas. A resistência contra a ditadura de quarenta e oito anos de Salazar e Marcello Caetano, a par do início da construção do Portugal democrático têm sido também tematizados em diversos livros para a infância e a juventude. Escritores de referência como Manuel António Pina, António Torrado, Luísa Ducla Soares ou Álvaro Magalhães, e ilustradores como João Abel Manta, Manuela Bacelar, António Modesto, Alex Gozblau, Evelina Oliveira e outros, não ficaram indiferentes a este marco histórico, e têm assim concorrido, através das suas obras, para a construção de uma memória, muito necessária às novas gerações, educadas já em democracia. É uma panorâmica crítica atualizada dessa produção o que neste artigo é proposto.

Adiós, María: recepción e fortuna crítica en Grial na década dos 70

Laura Caamaño Pérez — 2020-06-30

A novela Adiós, María, da autoría de Xohana Torres e publicada en 1971, foi a gañadora do Premio Galicia de 1970 convocado polo Centro Gallego de Buenos Aires, considerado como un dos galardóns literarios máis prestixiosos na época. Aínda así, a primeira e única novela de Xohana Torres non conseguiu naquela altura a suficiente atención por parte da crítica. As escasas e puntuais achegas que foron aparecendo de maneira espallada resultaron insuficientes e superficiais, evidenciando así a relativa falta de interese pola novela no momento da súa aparición. Tendo en conta isto, na primeira parte deste estudo achégase un breve estudo do contexto e da relevancia que supuxo a convocatoria do Premio Galicia para Xohana Torres, para logo ofrecer unha análise da controversia suscitada pola concesión deste premio á escritora. Na segunda parte, ofrécese unha revisión dos comentarios suscitados sobre a novela publicados na revista Grial entre 1970 e 1980.

Fixando os marcos: Carvalho Calero e o criterio filolóxico

Mario Regueira — 2020-06-30

Na presente nota realízase unha análise do papel de Ricardo Carvalho Calero (Ferrol, 1910-Santiago de Compostela, 1990) na fixación do criterio filolóxico que rexería para a literatura galega de posguerra a través da súa obra de creación literaria.

Claudio Rodríguez Fer. Valente infinito: libertad creativa y conexiones interculturales

Arantxa Fuentes Ríos — 2020-06-30

Elos. Revista de Literatura Infantil e Xuvenil, nº 5

Carmen Ferreira Boo — 2020-06-30

Roberto Vidal Bolaño. Unha poética teatral xenuinamente galega

Laura Caamaño Pérez — 2020-06-30