É necesario rexistrarse Rexistrarse e identificarse Vaia a identificación para poder enviar artigos online e para comprobar o estado dos envíos.
Criterios a verificar
Os autores deben verificar que o seu envío cumpre as seguintes directrices. Os envíos que non cumpran algunha destas directrices poderán ser rexeitados.
A petición non foi publicada previamente, nin se presentou a outra revista (ou se proporcionou unha explicación en Comentarios ao editor).
O texto cumpre cos requisitos bibliográficos e de estilo indicados nas Normas para autoras/es.
Se está enviando un traballo a unha sección da revista que se revisa por pares, ten que asegurarse que as instrucións que figuran en Asegurando unha revisión a cegas foron seguidas.
Se o artigo inclúe calquera tipo de material que requira permiso para a súa reprodución, debe facelo constar (use Comentarios ao editor) e proporcionar ao editor os correspondentes permisos. O editor, en calquera caso, exímese de toda responsabilidade derivada da eventual vulneración de dereitos de propiedade intelectual por parte do autor.
Normas para autores/as
1. Tramitación de manuscritos
Os traballos que se propoñan para publicar en Verba. Anuario Galego de Filoloxía deben ser orixinais e inéditos, é dicir, non deben estar sendo avaliados para publicación noutra revista. O comité de redacción de Verba realizará unha primeira revisión de cada un dos artigos recibidos para analizar a adecuación ás liñas temáticas da revista e a calidade. Se o traballo non cumpre os requisitos esixidos, será rexeitado, o que se lle comunicará á persoa que conste como contacto principal na plataforma.
Unha vez aceptados, os manuscritos serán sometidos a un proceso de revisión de estilo que asegure que están adaptados ás normas de estilo de cada sección. Se for necesario, os orixinais deben acompañarse dos permisos de reprodución de materiais, particularmente figuras ou imaxes tomadas de fontes alleas aos autores.
2. Características dos orixinais enviados
2.1. Verba acepta traballos escritos en galego, español, portugués, catalán, italiano, francés ou inglés.
2.2. Os orixinais serán enviados como documento de texto (Office, LibreOffice), con inclusión de táboas, figuras ou imaxes, e serán tramitados a través da aplicación en liña. Opcionalmente, pode enviarse unha versión en PDF do documento.
2.3. As figuras (gráficos, mapas, ilustracións, etc.) enviaranse tamén como arquivos separados, en formato tif, jpg, eps ou png, con calidade non inferior a 600 dpi. Ademais, tanto os arquivos separados como as figuras incrustadas no texto deben ir identificados mediante un número coincidente en ambos (gráfico 1, figura 2, táboa 3, etc.). Cando se usen en inicial absoluta, as letras iniciais de gráfico, figura, etc., escribiranse en maiúscula, como nos pés dos gráficos, táboas, etc. Cando se mencionen no texto, irán en minúscula. Ex.:
a. Como se indica na táboa 1, ...
b. Táboa 1. Presenza da preposición no ALPI
2.4. Os textos en que se indiquen as fontes de financiamento e os agradecementos irán antes das referencias bibliográficas, precedidos dun título en negra (Financiamento, Agradecementos) e sen numerar. Estes textos deben ser breves e constituír un único parágrafo cada un deles.
2.5. Os envíos para a sección “Artigos” terán unha extensión máxima de 130.000 caracteres (incluíndo espazos, notas ao pé, títulos, resumos, palabras clave, referencias bibliográficas, etc.). Os documentos dirixidos á sección “Notas” non excederán os 60.000 caracteres, e as recensións os 20.000.
2.6. Anonimato: eliminaranse todas as referencias completas ao autor, limitándose estas á indicación: Autor/a (ano), sen especificar o resto da entrada na bibliografía final. Nesta, a indicación Autor/a (ano) ordenarase alfabeticamente entre AT e AV, evitando introducilo na orde alfabética que lle correspondería. Eliminaranse, así mesmo, as referencias a proxectos, que serán recuperados concluída a fase de avaliación. Así mesmo, o/a autor/a comprobará que o seu nome non figura nas propiedades do documento. Unha
vez superada a avaliación, o/a autor/a engadirá todas as referencias omitidas no lugar que lles corresponde.
2.7. Autoría. Nos traballos de autoría múltiple debe identificarse ó autor ou autora responsable, que será tamén a persoa de contacto. É competencia do autor ou autora responsable garantir o recoñecemento de todas as persoas que comparten a responsabilidade do traballo e asegurar que coñecen e aprobaron a versión final do documento. Os nomes dos autores ou autoras deben figurar en ordenación alfabética polo primeiro apelido no caso de que todos contribuísen por igual. Se a contribución de cada autor/a é diferente, debe facerse constar en nota utilizando a terminoloxía convencionalizada CRediT (https://casrai.org/credit/).
2.8. As normas de estilo están baseadas no estándar ISO 690:2010, con adaptacións en aspectos puntuais; aparecen detalladas no documento que se pode descargar aquí.
Nota de copyright
Ao publicar en Verba, o/o autor/a-os/os autores/as cede/n todos os dereitos de explotación do seu artigo (incluíndo distribución, comunicación pública, reprodución e transformación) á Universidade de Santiago de Compostela, que, coas condicións e limitacións dispostas pola lexislación en materia de propiedade intelectual, é a titular do copyright e, por tanto, de todos os dereitos patrimoniais expresados, retendo o/o autor/a-os/os autores/as todos os dereitos morais que por lei lle corresponde/n (art. 14 TRLPI).
Sen prexuízo do anterior, e agás indicación contraria, todos os contidos distribúense en acceso aberto baixo unha licenza internacional Creative Commons BY-NC-ND 4.0. Calquera forma de reprodución, distribución, comunicación pública ou transformación desta obra non incluída na licenza Creative Commons BY-NC-ND 4.0 só pode ser realizada coa autorización expresa do titular do copyright, non sendo excepción prevista pola lei. Pode acceder Vde. ao texto completo da licenza nesta ligazón: https://creativecommons.org/licenses/by-nc-nd/4.0/deed.gl
