A voltas coa posverdade

Resumo

A posverdade, entendida como toda información ou aseveración que non se basea en feitos obxectivos, senón que apela ás emocións, crenzas ou desexos do público, é o concepto xurdido da actual posmodernidade (ou transmodernidade para algúns autores) que se remonta ao último terzo do século XX. Non obstante, o presente artigo defende a antigüidade do concepto e bota a vista atrás para realizar unha viaxe por varios antecedentes relacionados con distintos ámbitos como o literario, político ou os medios de comunicación. Deste xeito, faise posible chamar a atención sobre a problemática da posverdade concepto na contemporaneidade e a incidencia dos avances da comunicación audiovisual e da realidade virtual que complican aínda máis o desenvolvemento da capacidade do ser humano de discernir entre realidade e ficción, entre verdade e mentira.