Análise estilística da voz narrativa infantil en "Los girasoles ciegos" de Alberto Méndez

Resumo

O obxecto deste traballo é realizar unha análise estilística da voz narrativa do neno no último relato da obra Los girasoles ciegos de Alberto Méndez, cuxo relato recibe o mesmo nome. En primeiro lugar, preséntanse as características que relacionan o relato coa narrativa de posguerra española, como son a escritura intimista e as innovacións técnicas na narración; na segunda parte realízase unha análise retórica da voz narrativa do neno e dos recursos máis empregados no seu discurso, a evidentia e a alegoría, como formas de describir a realidade. O texto conclúe cunha reflexión crítica fundamentada na análise.