Sete catas na orixe da fraseoloxía

Resumen

O presente artigo ten como obxectivo fundamental estudar a orixe dun certo número de unidades fraseolóxicas da lingua galega. Primeiramente selecciónanse como fontes ou núcleos temáticos aqueles que nacen da experiencia, da observación directa da realidade a través dos sentidos: a terra e a paisaxe; os animais, sobre todo os domésticos que axudan ao home galego, e os seus atributos; o funcionamento do propio corpo, etc., para logo pasar a considerar tamén como fontes estruturas socio-culturais máis abstractas, como son o pensamento mítico, o folclore e o pensamento relixioso. Un principio metodolóxico manexado no estudo é a comparación con linguas e culturas próximas, tales como o castelán e o portugués. Finalmente, unha das conclusións básicas que se derivan deste traballo é a constatación de que a fraseoloxía, especialmente se se enfocan aquelas expresións portadoras de valor léxico, reflicte dalgunha maneira a cosmovisión do pobo que a xerou.