A poesía dixital cítase coa oralidade

Resumo

Fronte á dualidade oralidade/escritura, o lugar que ocupan os novos medios dixitais e electrónicos conduce a unha reformulación destas dúas nocións que se mudan ao ciberespazo. As tecnoloxíaselectrónicas son máquinas memorísticas que axudan a preservar o coñecemento, que potencian a súa performatividade, a través de códigos multimedia, que conciben obras mutábeis non acomodadas a ningún dos xéneros clásicos e que atopan a súa existencia, moitas veces, na súa entidade aberta e fragmentaria, promovendo a interactividade, a sociabilidade e o traballo coral. Este artigo céntrase na poesía dixital e no seu movemento de regreso á oralidade, subvertendo os espazos sistemáticos, rigorosos, lineais e ordenados da escritura.