Un estudio introductorio a “Utilitarismo y Constitucionalismo: La Ocasión de 1812. (Eds. Manuel Escamilla Castillo y Josefa Dolores Ruiz Resa) Ed. Dykinson, Madrid, 2012.”

Resumo

Para todos aqueles que sentimos atraídos pola historia do constitucionalismo español, polo liberalismo e o nacemento do utilitarismo, este libro é de vital importancia e de obrigada lectura. Dous bloques diferenciados sitúannos, en primeiro lugar, no utilitarismo e na súa relación co constitucionalismo e a democracia; en segundo lugar, analízanse estas mesmas cuestións na súa relación con España.
A celebración do Bicentenario de Mill,  en Londres en abril de 2006, foi o lugar de encontro propicio para que  o Bentham Project ( University College London), o Centre Bentham (das Universidades de París II e X e Rouen), e a Sociedade Iberoamericana de Estudos Utilitaristas (SIEU, coa súa sede na Universidade de Santiago de Compostela, España),   estreitasen aínda máis os seus lazos de investigación, dando lugar ao nacemento de European  Network of Utiltarian Scholars (E-NOUS), que ten a súa sede na Universidade de Granada, en España.
Os textos que se recollen neste volume constitúen os relatorios presentados durante o Primeiro Seminario E-NOUS,  que tivo lugar en Granada en outubro do 2010.  Nos tempos en que Bentham redacta borradores constitucionais para diferentes países, España está a constituírse como nación liberal, e esa constitución será admirada en toda Europa e imitada en gran parte dela. A fascinación benthamiana por España vai máis aló do estrito proceso constituínte e inclúe a emancipación da América española. Para comprender a influencia de Bentham na Constitución de 1812, os membros da E-NOUS puxeron en marcha un proxecto de investigación I+D financiado polo Ministerio de Educación e Ciencia, do que resulta este libro como un dos seus primeiros traballos.