Acerca do Xornal

Temática e alcance

Télos é unha revista internacional especializada na publicación de traballos orixinais de investigación, avaliación e crítica sobre o ámbito dos Estudos Utilitaristas, isto é, sobre as achegas do Utilitarismo Clásico e Contemporáneoprincipalmente nos ámbitos da Ética, a Filosofía política, aFilosofía do Dereito e a Teoría económica. Xunto a isto, outra área de especialización de Télos son os estudos sobre aHistoria do Pensamento Utilitarista.

Télos aceptará para a súa publicación traballos orixinais e inéditos.

Terán prioridade para a súa publicación os traballos que mellor se adapten ás seccións incluídas en Télos:

  1. Antecedentes do Utilitarismo.
  2. Utilitarismo clásico.
  3. Críticas ao utilitarismo clásico.
  4. Debates contemporáneos sobre utilitarismo.
  5. Ética aplicada.
  6. Materiais didácticos (Análise e crítica do utilitarismo).
  7. Traducións de clásicos inéditos.
  8. A recepción do Utilitarismo no pensamento iberoamericano.
  9. Temas monográficos.
  10. Discusións contemporáneas sobre a liberdade e o benestar.
  11. Entrevistas.
  12. Notas.
  13. Recensións.
  14. Revista de libros (reseñas).
  15. Revista de revistas (intercambios).
  16. Noticias.

Télos publica traballos en castelán, portugués e inglés, así como nas distintas linguas oficiais da comunidade iberoamericana. De publicarse un traballo en lingua distinta do castelán, o portugués ou o inglés, inexcusablemente incluiranse un resumo do traballo en castelán e en inglés.

Proceso de revisión por pares

Todos os traballos recibidos serán informados por dous evaluadores que descoñecerán a identidade do autor. En caso de discrepancia, recorrerase ao xuízo dun terceiro evaluador.

Frecuencia de publicación

Télos é unha revista semestral que se publica en xullo e Decembro de cada ano.
A avaliación de traballos para a súa publicación en Télos está aberta a través de OJS todo o ano.
A política de calidade de Télos comprométenos a que entre a recepción dun traballo, a súa aceptación se procede e a súa publicación en OJS-????? non transcurran máis de seis meses.

Política de acceso aberto

O contido de Télos é de acceso libre.

A publicación non ten ningún custo para os autores.

Calidade/Difusión/Impacto

Télos é indexada a 31/05/2012 nos seguintes repertorios e bases de datos:

ERIH (European Reference Index for the Humanities), RESH, MIAR, Philosopher´s Index, Repertoire de Louvain, Humanities International Complete, Humanities International Index, RBPH (Répertoire Bibliographique de la Philosophie), Ulrich's International, DI e ISOC (CINDOC), Dialnet, REDIB e Latindex (32 de 33 criterios cumpridos).

INFORME DICE 2011 SOBRE REVISTA Télos : Bases de datos que a inclúen: PHI; RBPH; ISOC; Criterios Latindex cumpridos: 29 de 33; Evaluadores externos: SI; Apertura exterior dos autores: SI; Valoración da difusión internacional: 9; Internacionalidad das contribucións: 9.09; Categoría CARHUS: C; Categoría ERIH: NAT.

ICDS MIAR 2010: 4.255.

CIRC: Clasificación Integrada de Revistas Científicas

  • B Grupo B

Máis información sobre impacto e difusión de ????? . Revista Iberoamericana de Estudos Utilitaristas en:

DICE

MIAR

LATINDEX

DIALNET

RESH

REDIB

Exención de responsabilidade

Télos non se fai responsable do contido de ningún artigo e o feito de patrocinar a súa difusión non implica, necesariamente, conformidade coas teses expostas.
O editor, en calquera caso, exímese de toda responsabilidade derivada da eventual vulneración de dereitos de propiedade intelectual por parte do autor.

Formulario de avaliación

Formulario de avaliación

Directrices éticas

A publicación de artigos científicos involucra varios axentes, entre os cales se atopan a editorial, a dirección da revista, os avaliadores dos traballos e os autores. De cada un deles espérase unha conduta ética referida a uns principios, na nosa revista inspirados parcialmente nos que proporciona o Committee on Publication Ethics (COPE) Best Practice Guidelines.

Editorial

A editorial proporciona asistencia e apoio técnico á dirección da revista no uso da plataforma web, e mantén o software actualizado e en condicións de facilitar o proceso de envío, avaliación e publicación dos traballos. Colabora tamén coa dirección da revista na súa indexación e na facilitación de información sobre aqueles requisitos que contribúan a un mellor posicionamento da mesma nas clasificacións ao uso. En xeral, axuda ao incremento da calidade editorial da revista e á súa mellor e maior visibilización, internacionalización e impacto.

Dirección da revista

A dirección da revista asegura que os manuscritos enviados son avaliados atendendo exclusivamente ao seu contido intelectual, sen ter en conta a raza, xénero, orientación sexual, crenza relixiosa, adscrición política ou escola filosófica dos autores. Garante a confidencialidade dos traballos, non revelando a identidade dos mesmos a outros actores que non sexan os membros autorizados da editorial, os avaliadores potenciais, os avaliadores efectivos ou ao consello de redacción da revista. A dirección da revista pode declinar a publicación dun traballo por non cumprir este os requisitos formais esixidos ou por tratar unha temática allea ao seu ámbito. Debe comunicar, dentro dos prazos establecidos, unha vez vistos os informes dos avaliadores e ouvido o consello de redacción, a aceptación ou o rexeitamento dos traballos presentados.

Avaliadores

Os avaliadores deben rexeitar o encargo de valorar un traballo se non se recoñecen cualificados na área temática do mesmo ou se non poden asumir a avaliación dentro do prazo que establece a revista. O informe de avaliación debe ser obxectivo e debe expresarse de maneira razoada e clara. Debe evitar alusións ad hominen, ofensivas ou humillantes e os comentarios deben perseguir a mellora do traballo. Os manuscritos recibidos deben ser tratados como documentos confidenciais e o seu contido non pode ser usado en traballos propios. Os avaliadores deben rexeitar avaliar artigos cando exista algún conflito de interese resultante dunha eventual relación, pasada ou presente, cos autores do traballo ou coas institucións das cales estes dependan.

Autores

Os autores deben enviar traballos que presenten unha investigación orixinal sobre un tema claramente identificábel e non previamente publicado. Non deben enviar traballos que inclúan unha parte substancial doutros xa publicados. Os traballos deben redactarse de modo que poidan ser comprendidos ou replicados polos avaliadores. Se se usaren ideas doutros, deben ser claramente referenciadas; o plaxio é unha conduta inaceptábel e a súa detección implica o arquivo do traballo ou a súa retirada da páxina web, se estivese xa publicado. En caso de coautoría, son autores dun traballo todos os que contribúen significativamente ao mesmo; cada autor debería ser capaz de identificar as partes do traballo de que son responsábeis os outros coautores e debe gardar confidencialidade dos diversos contidos até que o artigo sexa publicado. O envío simultáneo do traballo a outra ou outras revistas é condición suficiente para o seu arquivo. Se no proceso de edición os autores descobren erros ou impropiedades no seu traballo, comunicarano coa maior celeridade ao director da revista, e colaborarán na súa subsanación. Os autores deberán facer constar o posíbel conflito de intereses entre as conclusións do seu traballo e as fontes de financiamento do mesmo.

Estas directrices están en consonancia co código ético da Universidade de Santiago de Compostela, editora da revista: https://www.usc.es/gl/goberno/valedor/codigoetico/CodigoEtico.html

Política de preservación de arquivos dixitais

Esta revista desenvolve diversos procesos destinados a garantir a accesibilidade permanente dos obxectos dixitais que alberga nos seus propios servidores:

- Copias de seguridade.
- Seguimento da contorna tecnolóxica para prever posibles migracións de formatos ou software obsoletos.
- Metadatos de preservación dixital.
- Utilización de DOI.

Os arquivos publicados nesta páxina web están dispoñibles en formatos facilmente reproducibles.

Fontes de financiamento

A edición desta revista está subvencionada pola Dirección Xeral de Investigación e Desenvolvemento da Xunta de Galicia.

Historia

Télos é unha revista da Sociedade Iberoamericana de Estudos Utilitaristas (desde 1992) publicada polaUniversidade de Santiago de Compostela. Foi fundada por Esperanza Guisán, Catedrática de Ética da USC.