Xentrificación e comunidade artística en Lisboa

Resumen

A cidade de Lisboa está a experimentar un profundo e rápido proceso de transformación urbana que comezou inmediatamente despois da crise financeira de 2008. Estimulada por un boom turístico e unha forte inxección de capital inmobiliario transnacional, a rehabilitación urbana avanza sobre centro histórico mellorando substancialmente o edificado pero provocando un ascenso imparable do prezo da vivenda que torna a cidade cada día máis inaccesible para os seus habitantes. Nesta investigación queremos achegarnos á comunidade artística para analizar como se está a ver afectada por este fenómeno e identificar as súas percepcións sobre o mesmo. A partir da análise do asentamento de diferentes colectivos independentes en varias zonas máis e menos centrais da capital portuguesa, suxerimos que a comunidade artística é primeiro vehículo e máis tarde vítima da xentrificación dos barrios onde se instala.