Nivel de interacción da comunicación dos partidos políticos españois en redes sociais
Contido principal do artigo
Resumo
As redes sociais xogan un importante papel na difusión de mensaxes, non só durante períodos electorais, senón tamén en toda estratexia de comunicación política. O obxectivo deste traballo é analizar a comunicación dos principais partidos políticos españois nas redes sociais dende o punto de vista dos estudos de recepción. Para elo analízase a resposta da audiencia ás mensaxes lanzadas polos partidos políticos durante un mes, en catro principais redes sociais (Twitter, Facebook, Youtube e Instagram). Para tal fin, utilízanse dúas métricas de análise: interacción e porcentaxe de engagement (entendido por tal o nivel de implicación, compromiso ou fidelidade da audiencia) que logran as mensaxes difundidas nas redes sociais analizadas.
As conclusións do estudo suxiren que a marca política Vox é a que logra maior visibilidade e impacto en redes sociais en España. Con respecto ao uso de redes sociais, no ámbito da comunicación política, Instagram consolídase como a de maior crecemento e a que maior viralidade logra dar ás mensaxes analizadas. Sen embargo, todavía non é a preferida polos partidos máis tradicionais, tal e como mostra o perfil baixo de actividade que manteñen nesta rede.