Sistemas de Información Xeográfica aplicados á arqueoloxía urbana: o SIP de Santiago de Compostela

Resumen

O Sistema de Información Patrimonial (SIP) da cidade de Santiago de Compostela que aquí se describe, é unha plataforma xeodocumental en formato aberto, dende o ano 2010, creada e sustentada polo Consorcio de Santiago de Compostela coa fin de lle dar difusión á súa historia urbana en senso amplo, mediante soporte textual e gráfico (cartografía e fotografía), percibida a través das distintas actuacións no eido do patrimonio cultural. Completa este traballo a exposición dos principais contidos arqueolóxicos incorporados ao Sistema de Información Xeográfica, parte fundamental desta plataforma.