Temática e alcance

A Revista Internacional de Comunicación e Desenvolvemento (RICD) ten como finalidade ser un instrumento de difusión científica, que ofreza unha lectura crítica e permanente da relación entre Comunicación e Desenvolvemento. Preténdese dar prioridade e presenza ás investigacións que se realicen no campo xunto á sociedade civil. Pretende dar prioridade e presenza ás investigacións baseadas en traballos de campo en contacto e colaboración coa sociedade civil. En cada número abórdase unha liña temática de especial interese para a revista. As liñas temáticas programadas son anunciadas por medio da Convocatoria de Colaboracións. A lista de revisores publícase anualmente.

Ámbito principal (Códigos UNESCO):

Outros ámbitos relacionados (Códigos UNESCO):

Proceso de revisión por pares

Dobre cego (peer reviewed).

Os traballos que se reciban serán revisados por dous membros do Consello Científico da Revista, quen determinarán se o artigo cumpre cos requisitos mínimos para ser publicado, sobre todo en temática e contido para as diferentes seccións da revista. Se o artigo non cumpre coas precisións correspondentes reenviarase ao autor no prazo máximo de 1 mes.

Se se cumpren cos requisitos mínimos, o traballo enviarase de forma anónima a dous expertos (avaliadores elixidos o Consello de Redacción) que no prazo dun mes, deberán realizar a avaliación correspondente. Para que o artigo sexa publicado os dous avaliadores deberán ofrecer unha avaliación positiva. Se se especifican correccións, o autor deberá asumilas para que o traballo poida ser publicado. Se só un avaliador recomenda a publicación, buscarase un terceiro cuxo informe será inapelable.

Os avaliadores terán un prazo de 30 días para presentar a avaliación ou informe. As súas avaliacións poderán recomendar correccións lingüísticas, bibliográficas, estilo, redacción etc.

Os nomes dos avaliadores non se darán a coñecer ao autor ou autores do traballo.

Unha vez que o artigo ou investigación (corrixido se fose necesario) foi aceptado informarase o autor da data de publicación.

Frecuencia de publicación

Semestral

Política de acceso aberto

Esta revista prové acceso libre inmediato ao seu contido baixo o principio de que facer dispoñible gratuitamente a investigación ao publico, o cal fomenta un maior intercambio de coñecemento global.

A publicación non ten ningún custo para os autores.

Exención de responsabilidade

RICD non se fai responsable do contido de ningún artigo e o feito de patrocinar a súa difusión non implica, necesariamente, conformidade coas teses expostas.
O editor, en calquera caso, exímese de toda responsabilidade derivada da eventual vulneración de dereitos de propiedade intelectual por parte do autor.

Formulario de avaliación

Formulario de avaliación

Doazóns

Directrices éticas

A publicación de artigos científicos involucra varios axentes, entre os cales se atopan a editorial, a dirección da revista, os avaliadores dos traballos e os autores. De cada un deles espérase unha conduta ética referida a uns principios, na nosa revista inspirados parcialmente nos que proporciona o Committee on Publication Ethics (COPE) Best Practice Guidelines.

Editorial

A editorial proporciona asistencia e apoio técnico á dirección da revista no uso da plataforma web, e mantén o software actualizado e en condicións de facilitar o proceso de envío, avaliación e publicación dos traballos. Colabora tamén coa dirección da revista na súa indexación e na facilitación de información sobre aqueles requisitos que contribúan a un mellor posicionamento da mesma nas clasificacións ao uso. En xeral, axuda ao incremento da calidade editorial da revista e á súa mellor e maior visibilización, internacionalización e impacto.

Dirección da revista

A dirección da revista asegura que os manuscritos enviados son avaliados atendendo exclusivamente ao seu contido intelectual, sen ter en conta a raza, xénero, orientación sexual, crenza relixiosa, adscrición política ou escola filosófica dos autores. Garante a confidencialidade dos traballos, non revelando a identidade dos mesmos a outros actores que non sexan os membros autorizados da editorial, os avaliadores potenciais, os avaliadores efectivos ou ao consello de redacción da revista. A dirección da revista pode declinar a publicación dun traballo por non cumprir este os requisitos formais esixidos ou por tratar unha temática allea ao seu ámbito. Debe comunicar, dentro dos prazos establecidos, unha vez vistos os informes dos avaliadores e ouvido o consello de redacción, a aceptación ou o rexeitamento dos traballos presentados.

Avaliadores

Os avaliadores deben rexeitar o encargo de valorar un traballo se non se recoñecen cualificados na área temática do mesmo ou se non poden asumir a avaliación dentro do prazo que establece a revista. O informe de avaliación debe ser obxectivo e debe expresarse de maneira razoada e clara. Debe evitar alusións ad hominen, ofensivas ou humillantes e os comentarios deben perseguir a mellora do traballo. Os manuscritos recibidos deben ser tratados como documentos confidenciais e o seu contido non pode ser usado en traballos propios. Os avaliadores deben rexeitar avaliar artigos cando exista algún conflito de interese resultante dunha eventual relación, pasada ou presente, cos autores do traballo ou coas institucións das cales estes dependan.

Autores

Os autores deben enviar traballos que presenten unha investigación orixinal sobre un tema claramente identificábel e non previamente publicado. Non deben enviar traballos que inclúan unha parte substancial doutros xa publicados. Os traballos deben redactarse de modo que poidan ser comprendidos ou replicados polos avaliadores. Se se usaren ideas doutros, deben ser claramente referenciadas; o plaxio é unha conduta inaceptábel e a súa detección implica o arquivo do traballo ou a súa retirada da páxina web, se estivese xa publicado. En caso de coautoría, son autores dun traballo todos os que contribúen significativamente ao mesmo; cada autor debería ser capaz de identificar as partes do traballo de que son responsábeis os outros coautores e debe gardar confidencialidade dos diversos contidos até que o artigo sexa publicado. O envío simultáneo do traballo a outra ou outras revistas é condición suficiente para o seu arquivo. Se no proceso de edición os autores descobren erros ou impropiedades no seu traballo, comunicarano coa maior celeridade ao director da revista, e colaborarán na súa subsanación. Os autores deberán facer constar o posíbel conflito de intereses entre as conclusións do seu traballo e as fontes de financiamento do mesmo.

Estas directrices están en consonancia co código ético da Universidade de Santiago de Compostela, editora da revista: https://www.usc.es/gl/goberno/valedor/codigoetico/CodigoEtico.html

Política de preservación de arquivos dixitais

Esta revista desenvolve diversos procesos destinados a garantir a accesibilidade permanente dos obxectos dixitais que alberga nos seus propios servidores:

- Copias de seguridade.
- Seguimento da contorna tecnolóxica para prever posibles migracións de formatos ou software obsoletos.
- Metadatos de preservación dixital.
- Utilización de DOI.

Os arquivos publicados nesta páxina web están dispoñibles en formatos facilmente reproducibles.

Política antiplaxio

Esta revista é membro de Similarity Check, unha iniciativa lanzada por Crossref que agrupa a varias editoriais co fin de protexer a orixinalidade dos contidos que publican.

Similarity Check utiliza o software iThenticate para detectar coincidencias e similitudes entre os textos sometidos a avaliación e os publicados previamente noutras fontes.

Protocolos de interoperabilidade

RICD proporciona unha interface OAI-PMH (Open Arquives Initiative Protocol for Metadata Harvesting) que permite que outros portais e servizos de información poidan acceder aos metadatos dos contidos publicados.

Especificacións:

OAI-PMH Protocol Version 2.0
Dublin Core Metadata 1.1

Ruta para os colleitadores:
https://revistas.usc.gal/index.php/ricd/oai

Historia

A Revista Internacional de Comunicación e Desenvolvemento é unha publicación de carácter científico que ten a súa orixe na Rede Europa América Latina de Comunicación e Desenvolvemento (Real_Code) promovida desde as universidades galegas, lideradas polo grupo Gi-1927 Cidadanía e Comunicación (CIDACOM) da Universidade de Santiago de Compostela.

A Revista Internacional de Comunicación e Desenvolvemento asume como documento fundacional o Manifesto de Compostela, asinado no primeiro Encontro (2011) polos grupos de investigación europeos e latinoamericanos fundadores de Real_ Code.