Hipersexualizacion mediatica da feminidade: as novas trampas do patriarcado neoliberal

Abstract

A cultura da "imaxe" define a postmodernidade e o corpo convértese na súa icona máis singular. Un corpo convertido en obxecto de "consumo" e centro neurálxico da comunicación mediática. A través do percorrido diacrónico das imaxes proxectadas na publicidade podemos explorar os "usos" e "abusos" que se teñen inscrito sobre os corpos sexuados, e confirmar así a crecente obxectivización na que están a encallar estas mensaxes, nas que quedan atrapados cada vez en maior medida os corpos dos homes. Unha obxetivización que contrariamente ao que sería esperable non só non se detén nas últimas décadas senón que está a se expandir, até consumar unha realidade sexualizada que se subliña de forma significativa sobre os corpos das mulleres. Álzase así unha realidade hipersexualizada que está a prescribir hoxe en día a feminidade "máis" moderna, que sen desprenderse da imaxe de fraxilidade e dependencia que colonizou a imaxe das mulleres desde a conceptualización máis tradicional, incorpora unha feminidade saturada pola súa dimensión sexual. Explorar as oportunidades ou limitacións que esta hipersexualización ten para as mulleres enfróntanos a un necesario debate ao redor das propostas postfeministas sobre a "elección" como exercicio da autonomía individual.