Selo FECYT con Mención por boas prácticas editoriais en igualdade de xénero

Prácenos moito anunciar que a Revista Galega de Economía/Galician Journal of Economics, publicada pola Universidade de Santiago de Compostela, recibiu o Selo FECYT e unha Mención por boas prácticas editoriais en igualdade de xénero. Este recoñecemento outórgase como resultado do cumprimento dos requisitos establecidos na VIII Convocatoria de Avaliación da Calidade Editorial e Científica das Revistas Científicas Españolas 2023, concedida pola Fundación Española para a Ciencia e a Tecnoloxía (FECYT).

A RGE someteuse a unha rigorosa avaliación que abrangueu tanto aspectos cuantitativos (impacto e visibilidade) como cualitativos (relevancia científica das súas publicacións). Esta distinción representa un fito significativo, destacando o prestixio nacional e internacional que a Revista acadou no campo da investigación económica. Agradecemos aos nosos colaboradores, revisores e lectores o seu continuo apoio, sen o cal este recoñecemento non tería sido posible.

https://www.usc.gal/gl/xornal/novas/revista-galega-economia-obten-selo-calidade-fecyt