Género y Urbanismo: ¿hacia ciudades más sensibles e inclusivas?

Resumo

O obxectivo deste traballo é analizar en qué medida os concellos das cidades de Pamplona e Tudela están incluíndo a perspectiva de xénero nas súas políticas de desenvolvemento urbano. O marco teórico do estudo é, en primeiro lugar, a crítica feminista á distinción entre espazo público e privado, -plasmada no deseño das cidades que separa os ámbitos de traballo dos ámbitos de coidado- e, en segundo lugar, a necesidade de atender ás necesidades específicas das mulleres -e a súa maior adicación ás tarefas de coidado- para garantir un acceso equitativo á cidade. Tomando como referencia a documentación emanada do programa Habitat nas súas sucesivas reunións dende a primeira conferencia, en 1976, ata a última, en 2016, elaboramos unha serie de recomendacións que propoñemos utilizar como indicadores concretos para avaliar o grado de integración da perspectiva de xénero nas políticas de urbanismo. A partir da sistematización das propostas de Habitat, realizamos unha análise dos Plans de Igualdade e de Urbanismo dos municipios seleccionados, complementado con entrevistas ao persoal técnico en ambas áreas. As achegas amosan un desenvolvemento desigual das recomendacións de Habitat en Pamplona e Tudela, pero, ao mesmo tempo, unha clara conciencia de que o urbanismo non é neutro no que se refire ao xénero e, concretamente, unha revalorización dos coidados nas políticas, que tradúcese en accións moi concretas para favorecer a corresponsabilidade.