Os Ibios de Sober. Confluencias simbólicas nun antigo asentamento da Ribeira Sacra.

Abstract

Proponse a análise dunha figura concreta da cultura de tradición oral da Ribeira Sacra, os Ibios, dende unha perspectiva histórica e simbólica. O resultado final permitiranos comprender esta enigmática creación, pero tamén propoñer unha explicación para outras moitas documentadas no noso territorio que se presentan, aparentemente, como singulares pero que, no fondo, son o resultado do devir histórico dunha mesma realidade: o imaxinario de alteridade que integran os mouros.